Sæl veriði öllsömul og velkomin á upphitunina fyrir stjörnuleik 17. tímabils Buzzerbeater.
Þetta tímabilið er leikur úrvalsdeildar haldinn í Félagsheimilinu, en það er eins og flestir vita heimavöllur Húnanna.
Völlurinn er með þeim glæsilegustu á landinu, þótt hann sé kannski ekki sá stærsti og til gamans má geta að ljósakrónurnar einar sér kostuðu yfir 2 milljón dollara. Sæti eru fyrir 17.765 manns eftir smávæginlega stækkun núna í ágúst. Þar af eru 30 lúxus sæti, sem verða frátekin á morgun fyrir stjóra úrvalsdeildarinnar og nokkra útvalda stjóra úr 2. deildunum. Einnig hafa borist fréttir um að þjóðþekkir einstaklingar hafi boðað komu sína, þar á meðal Sverrir Stormsker, Hannes Hólmsteinn og Geir Ólafs.
Leikurinn ætti án vandkvæða að vera spilaður klukkan 7 annað kvöld, en þó held ég að við mættum allir búast við seinkun, þar sem þessi leikur virðist vera of stór biti fyrir stjórnendur leiksins hvað eftir annað, og sjaldan hefur hann verið spilaður án nokkurrar drullu í brók af þeirra hálfu.
Herlegheitin hefjast eins og vanalega á þriggja stiga keppni nokkurra skotglaðra einstaklinga úr liðum deildarinnar. 6 leikmenn taka þátt í þetta skiptið og koma þeir úr 6 mismunandi liðum, 4 úr Great 8 og 2 úr Big 8.
Leikmennirnir eru:
Félix Bello - Dark Viking
Angelo Gatta - Claud Team
Ísólfur Ólafsson - Skytturnar
Ahir Brkan - tanginn
Alfio Zanobi - FB Böðvar
Néstor Robertet - Mumbai Maestro
Allt ágætir leikmenn svosem, en þó verður að segjast að einn leikmaður ber höfuð og herðar yfir aðra leikmenn, enda 203 cm, Ísólfur Ólafsson. Sá drengur hefur unnið þessa keppni oftar en nokkur annar, 5 sinnum.
Hans helsti keppinautur í keppninni í þetta skiptið, er þó talinn vera hinn stæðilegi bakvörður tangans, Ahir Brkan, en honum tókst að sigra keppnina á 14. tímabili.
En þá er komið að leiknum sjálfum, að venju eru 10 leikmenn í hvoru liði, en sitt sýnist hverjum um það hvort að það þýði að þetta séu bestu mennirnir í stöðunni eður ei.
(Hér átti svo að koma ítarleg umfjöllun um leikinn sjálfann, en hún verður að bíða í smá stund sökum þess að ég er fokking tapsár.)
Framhald síðar...